جے سی بی پلٹ گئی، آپریٹر زخمی

ریاست جموں و کشمیر کے ضلع رامبن میں قومی شاہراہ کے مقام پر ایک جے سی بی مشین حادثےکا شکار ہوگئی۔ اس حادثے میں جے سی بی آپریٹر زخمی ہوگیا۔

پولیس کے مطابق گمین انڈیا کمپنی کے ذریعے جے سی بی مشین سے قریب چار بجے شاہراہ کو فورلین میں تبدیل کرنے کے لیے کٹائی کا کام چندرکورٹ کے مقام پر جاری تھا کہ اچانک مشین پلٹ گئی جس کے نتیجے میں مشین کا آپریٹر زخمی ہو گیا۔

عرفان احمد نامی آپریٹر کو زخمی حالت میں ضلع اسپتال میں علاج کے لیے داخل کیا گیا جہاں ڈاکٹرز نے ابتدائی طبی امداد کے بعد انہیں میڈیکل کالج جموں منتقل کر دیا۔

چندرکورٹ پولیس نے اس سلسلے میں معاملہ درج کر کے تحقیقات شروع کر دی ہے۔