جموں ۔ سرینگر نیشنل ہائی وے کو فائرنگ کے بعد بند کرنے کی اطلاع ہے۔ پولیس اور عسکریت پسندوں کے درمیان تصادم جاری ہے۔
اطلاعات کے مطابق جموں ۔ سرینگر نیشنل ہائی وے کے قریب فائرنگ ہوئی ہے جس کے بعد ہائی وے کو بند کر دیا گیا ہے۔ یہ واقعہ جموں کے قریب نگروٹا علاقے میں پیش آیا ہے۔
جموں میں پولیس اور عسکریت پسندوں کے درمیان تصادم جاری ہے جس میں تین عسکریت پسند کے ہلاک اور ایک پولیس اہلکار کے زخمی ہونے کی اطلاع ہے۔
جموں و کشمیر کے ڈائریکٹر جنرل پولیس (ڈی جی پی) دلباغ سنگھ نے بتایا کہ 'فائرنگ کے تبادلے میں ایک عسکریت پسند مارا گیا ہے جبکہ باقی ملحقہ جنگلاتی علاقے میں فرار ہونے میں کامیاب ہوگئے ہیں۔'
انہوں نے بتایا کہ 'فائرنگ تقریباً صبح پانچ بجے اس وقت ہوئی جب پولیس ٹیم نے نگرروٹا کے بان علاقے میں ٹول پلازہ کے قریب چیکنگ کے لیے سرینگر جانے والا ٹرک روکا۔'
ڈی جی پی نے بتایا کہ 'انہیں پولیس ٹیم نے ٹول پلازہ پر روک لیا۔ عسکریت پسندوں کا پتہ لگانے کے لیے بڑے پیمانے پر سرچ آپریشن شروع کیا گیا ہے۔'
سنجوان ملٹری اسٹیشن 2018 کے حملے کے بعد جموں خطے میں یہ پہلا بڑا عسکریت پسند حملہ ہے۔
ڈسٹرکٹ مجسٹریٹ ادھمپور نے احتیاطی طور پر ادھمپور قصبے، ٹکری، منڈ، نیشنل ہائی وے زونز اور چھینانی علاقے کے تمام اسکولز کو آج بند رکھنے کا حکم جاری کیا ہے۔
