سوپور میں 92 بٹالین کے ایک سی آر پی کے ایک ہیڈ کانسٹیبل نے اپنے ہی بندوق سے اپنی زندگی کا خاتمہ کیا۔ پولیس نے اس حوالے سے ایک کیس درج کرکے مزید تحقیقات شروع کیا ہے۔
شمالی کشمیر کے تحصیل ہیڈ کوارٹرر سوپور سے تقریباً 9 کلو میٹر دوری پر 92 بٹالین سی آر پی ایف کیمپ واڑورہ میں ایک 42 سالہ سی آر پی ایف کے ہیڈ کانسٹیبل رنجن کمار ساکنہ چھٹانہ اوڑیسہ نے آج الصبح کیمپ کے اندر ہی نا معلوم وجہ پر اپنے آپ کو گولی مار کر اپنی زندگی کا خاتمہ کیا۔
اس حوالے سے جب ان کے دوستوں کو پتہ چلا تو وہ فوراً اس کے کمرے میں پہنچ گیے تو وہاں ہیڈ کانسٹیبل رنجن کمار کو خون میں لت پت دیکھ لیا۔
92 سی آر پی ایف کے ایک اعلی آفیسر نے نمائندے کے ساتھ بات کرتے ہوئے بتایا کہ ابھی تک پوری طرح سے پتہ نہیں چل سکا کہ رنجن نے کیوں اپنے آپ کو گولی چلا کر خودکشی کی ہے۔
اس حوالے سے پولیس نے ایک کیس درج کرکے مزید تحقیقات شروع کر دی۔
جموں و کشمیر میں رواں برس کے اکتوبر ماہ میں 12 دنوں میں 5 اہلکاروں نے خود کشی کر لی۔
بتا دیں کہ جموں و کشمیر میں تعینات سکیورٹی اہلکاروں میں خودکشی کا رجحان بڑھتا ہی جارہا ہے۔ تاہم ابھی تک یہ معلوم نہیں ہوسکا کہ سکیورٹی اہلکاروں کے خودکشی کرنے کی کیا وجہ ہے۔
