جموں کورونا وائرس سے پاک

جموں میں کورونا وائرس سے متاثر ہونے والے سبھی 26 مریض صحت یاب ہوچکے ہیں اور اس طرح سے چھ لاکھ کی آبادی والا یہ ضلع کورونا وائرس سے پاک ہوگیا ہے۔

ڈاریکٹر ہیلتھ سروسز جموں ڈاکٹر ریونوں شرما نے ای ٹی وی بھارت کے ساتھ بات کرتے ہوئے کہا کہ جموں میں کورونا وائرس کے 26 کیسز سامنے آئے تھے، جن کو صحت یاب ہونے کے ساتھ ہی اسپتال سے گھر جانے کی منظوری دی گئی۔

انہوں نے مزید کہا کہ آج مزید تین مریضوں کے کورونا وائرس ٹیسٹ منفی آئے ہیں جس کے ساتھ ہی جموں فی الوقت کورونا سے پاک ہوگیا ہے۔