'دفعہ 370 منسوخ ہونے سے نئے دور کا آغاز'

جموں و کشمیر میں دفعہ 370 کو منسوخ کرنے سے کانگریس پارٹی بھی دو حصوں میں تقسیم ہو گئی ہے۔

دفعہ 370 کے سلسلے میں کانگریس کے رہنما اور مہاراجا ہری سنگھ کے پوتے وکرم آدتیہ سنگھ نے اس فیصلے کا استقبال کیا ہے۔

کانگریس کے سینیئر رہنما وکرم آدتیہ سنگھ نے کہا کہ 'اس فیصلے سے جموں و کشمیر اور لداخ کے لوگوں کے لیے نئے دور کا آغاز ہے'۔
اب خواتین اور اقلیتی طبقے کو جموں کشمیر میں بھارتی آئین کے مطابق برابر حق ملےگا اور مستقبل میں جموں و کشمیر کے لیے ترقیاتی اور روزگار کے مواقع بھی فراہم ہوں گے۔

انہوں نے ساتھ ہی یہ بھی کہا کہ اپنے والد اور کانگریس کے قدآور رہنما کرن سنگھ کا اس فیصلے پر دیے گئے بیان کا بھی استقبال کیا ہے۔