شدید بارش سے مالی نقصان، عوام پریشان

جموں و کشمیر میں مسلسل بارش ہو رہی ہے، جبکہ ضلع اودھم پور میں بھی موسلا دھار بارش ہوئی ہے، جس کی وجہ سے نقصانات کی اطلاعات ہیں۔

ادھم پور کے وارڈ نمبر 7 میں تعمیر کردہ ایک گریف ڈیپارٹمنٹ کی دیوار گلی میں گر گئی جس کی وجہ سے متعدد اسکوٹی اور موٹر سائیکلز کو نقصان پہنچا۔

مقامی لوگوں نے الزام لگایا کہ انہوں نے متعلقہ محکمہ کو متعدد بار اس سے آگاہ کیا ہے کہ یہ دیوار کسی بھی وقت گر سکتی ہے لیکن محکمہ کی جانب سے اس پر کوئی غور نہیں کیا گیا۔جبکہ غنیمت یہ رہی ہے کہ اس حادثے میں کسی کی جان نہیں گئی ہے۔اس سلسلے میں لوگوں نے کہا کہ اس گلی سے اسکولی بچے بھی گزرتے ہیں۔ اگر اس روز بچے گزر تے تو بہت بڑا حادثہ ہو سکتا تھا۔اس معاملے میں علاقائی لوگوں نے مانگ کی ہے کہ فوری طور پر اس دیوار کی تعمیر کی جائے، اور جن لوگوں کا نقصان ہوا ہے انتظامیہ ان کی بھر پائی کریں۔