لاک ڈاون 4.0 کو نافذ کرنے کیلئے انتظامیہ نے ریڈ، اورینج اور گرین زمروں کے تحت آنے والے اضلاع کی تازہ فہرست جاری کی ۔
واضح رہے کہ 4.0 لاک ڈاون 20 مئی سے شروع ہوگا ۔ اس ضمن میں محکمہ ڈیساسٹر منیجمنٹ ریلیف ری ہیبلی ٹیشن اینڈ ری کنسٹریکشن سٹیٹ ایگزیکٹو کمیٹی جس کی سربراہی چیف سیکرٹری کر رہے ہیں، نے ایک حکمنامہ جاری کیا ہے۔
حکمنامے کے تحت کشمیر صوبے کے گاندربل اور بانڈی پورہ کے بغیر تمام اضلاع کو ریڈ زون جبکہ جموں صوبے کے کٹھوعہ، سانبا اور رامبن اضلاع کو ریڈ زون قرار دیا گیا ہیں ۔ اسی طرح بانڈی پورہ ، گاندربل ، ریاسی، ادھمپور اور جموں اضلاع کو اورینج اور ڈوڈہ، کشتواڑ، پونچھ اور راجوری اضلاع کو گرین زمرے میں رکھا گیا ہے ۔
حکمنامے کے مطابق حکومت ہند نے ریاستوں اور یو ٹی حکومتوں کو اضلاع کیلئے ریڈ، اورنج اور گرین زمروں کا تعین کرنے کا اختیار دے رکھا ہے ۔ تاہم اس ضمن میں مرکزی وزارت برائے صحت و خاندانی بہبود کی جانب سے واضح کئے گئے قواعد و ضوابط و معیار کو مدِ نظر رکھنا لازمی ہے ۔
