IT confrence held at Hamdaniya mission school Pampore.پامپوراسکول میں ایک روزہ آئی ٹی کانفرنس

ڈی کوڈ فیوچرکی جانب سے آج ضلع پلوامہ کے شاہ ہمدآن مشن اسکول پامپورمیں ایک روزہ آئی ٹی کانفرنس کا انعقاد کیا گیا۔اس میں تحصیلدار( پامپور)زبیراحمد نے بطورمہمان خصوصی شرکت کی۔اس کے علاوہ ژونل ایجوکیشن آفسر پانپورعبدلرشید، دیگرافسراں اورانفارمیشن ٹیکنالوجی کے ماہرین نے بھی شرکت کی۔

پروگرام کے دوران آئی ٹی ماہرین نے موجودہ دورمیں انفارمیشن ٹیکنالوجی کی اہمیت اور افادیت پرروشنی ڈالی اور کہا کہ ہر کسی کے لئے انفارمیشن ٹیکنالوجی (آئی ٹی) کا علم ہونا بہت ضروری ہے تاکہ وہ موجودہ دور میں آگے بڑیں۔

ماہرین نے کہا طالب علموں کے لئے اپنی پڑھائی کے ساتھ ساتھ انفارمیشن ٹیکنالوجی کے بارے میں جاننا خاص طور پر ضروری ہے، تاکہ وہ روزگار کے معاملے میں بھی خود کفیل بن سکیں اور دوسرے نوجوانوں کے لئے بھی روزگار کے مواقع پیدا کر سکیں۔اس موقع پر پانپور کے تحصیلدار زبیراحمد نے کہا ہمارے نوجوانوں کو انفارمیشن ٹیکنالوجی آگاہی کیمپوں،تربیتی مراکز اور کوچنگ کلاسز میں حصہ لینے کی ترغیب دی جانی چاہیے تاکہ وہ انفارمیشن ٹیکنالوجی کی اہمیت کو سمجھ سکیں۔

انہوں نے کہا کہ نوجوان کسی بھی شعبے میں اس وقت تک آگے نہیں بڑھ سکتے جب تک وہ انفارمیشن ٹیکنالوجی کے شعبے میں مضبوط نہ ہوں۔موجودہ ترقی دور میں خود کو برقرار رکھنے کے لئے انفارمیشن ٹیکنالوجی کے شعبے میں ماہر بننا ہی پڑے گا۔ورنہ آپ دوسرے کے مقابلے کافی پیچھے رہ جائیں گے۔اس وقت نوجوانوں کو اس ترقی یافتہ دور میں ناصرف پہلی پوزیشن پر بلکہ اس شعبے میں خود کو برقراررکھنے کی ہر ممکن کوشش کرنی چاہئے