جموں و کشمیر کے ویلگام ہندوارہ میں ایک ویڈیو تیزی سے سوشل میڈیا پر وائرل ہورہا ہے، وائرل ویڈیو میں ایک بزرگ شخص ایک خاتون کو اپنے کندھوں پر اٹھا کر ویلگام اسپتال کے باہر ہسپتال عملے کے خلاف غصہ کا اظہار کرتا نظر آرہا ہے۔
اس ویڈیو میں بزرگ شخص زور زور سے کہہ رہا ہے کہ ڈاکٹر خاتون کا علاج کرنے سے پہلے کووڈ ٹیسٹ کرانے کو کہا ہے، خاتون کو پیر میں چوٹ آئی ہے تو پہلے علاج ضروری تھا یا کویڈ ٹیسٹ؟
بتایا جارہا ہے کہ ویلگام پازلپورہ علاقے کا رہائشی شخص اپنی بیوی کو کندھوں پر بٹھا کر علاج کے لیے ویلگام اسپتال پہنچایا تھا جہاں ڈیوٹی پر تعینات ڈاکٹروں نے اسے کووڈ ٹیسٹ کے بغیر علاج کرنے سے انکار کردیا۔
اس کے بعد بزرگ شخص اپنی بیوی کو کندھوں پر اٹھا کر اسپتال سے واپس چلا گیا اور اسپتال کے باہر شدید ہنگامہ کیا۔
