منیجنگ ڈائریکٹر جموں پاور ڈیولپمنٹ کارپوریشن یشا مدگل نے ای ٹی وی بھارت کو بتایا کہ' جموں کشمیر پاور ڈیولپمنٹ ڈپارٹمنٹ ضروری سروسز کے لسٹ میں آتا ہے اور ہمارے ملازمین جموں کشمیر میں سرکاری دفاتر، ہسپتالوں اور قرنطینہ مراکز و عام گھروں میں بنا خلل بجلی کی دستیابی ممکن بنانے میں ایمانداری اور حوصلے سے کام کررہے ہیں جس کے بدولت ہی کسی بھی علاقے سے بجلی کی عدم دستیابی کی شکایت موصول نہیں ہوئی ہے۔
یشا مدگل نے کہا کہ' اب تک محکمہ بجلی میں کام کررہے ملازمین میں سنیٹائزز، ماسکس دو بار تقسیم کیے گئے اور اب جلد تیسرے مرحلے میں ملازمین کی حفاظت کے لیے ماسکس اور سنیٹائزز تقسیم کیے جائیں گے تاکہ وہ اپنے آپ کو کورونا وائرس جیسی مہلک بیماری سے محفوظ رہ سکے۔
ملازمین کی بند پڑی تنخواہوں کو واگزار کرنے کے حوالے سے انہوں نے کہاکہ محکمہ کے ملازمین کی بند پڑی تنخواہوں کو جلد از جلد واگزار کیا جائے گا جس کا عمل شروع ہوچکا ہے۔
