غیر قانونی بینڈسا کارخانوں کے خلاف کوئی کاروائی نہیں

جموں وکشمیر کے ضلع بانڈی پورہ میں سپریم کورٹ کے ہدایت نامے کے باوجود بھی غیر قانونی طور پر بینڈسا کارخانے کام کر رہے ہیں جس وجہ سے نہ صرف لائسنس یافتہ بینڈسا کارخانوں کے مالکان کے روز گار پر اثر پڑا ہے بلکہ ان غیر قانونی بینڈ سا کارخانوں کی وجہ سے بانڈی پورہ میں جنگل اسمگلری بھی بڑے پیمانے پر ہر رہی ہے۔

واضح رہے بینڈسا کارخانوں کے حوالے سے سپریم کورٹ نے سال دو ہزار بارہ میں حکم نامہ جاری کیا تھا اور تب سے لیکر محکمہ جنگلات اس حکم نامے پر عمل کرنے کے بجائے غیر قانونی کارخانوں کو دکھاوے کے لئے صرف نوٹس اجرا کر رہا ہے جب کہ حقیقی معنی میں ان کارخانوں کے خلاف کوئی کاروائی نہیں کی جارہی ہے۔

قابل ذکر بات یہ ہے کہ بانڈی پورہ میں غیر قانونی بینڈ سا کارخانوں کے علاوہ بے شمار جوائنری کارخانے بھی قائم کئے گئے ہیں اور ای ٹی وی بھارت کی جانب سے بار بار یہ معاملہ اجاگر کرنے کے بعد بھی کوئی کاروائی نہیں کی جارہی ہے۔

ادھر ڈی ایف او بانڈی پورہ شبیر احمد کا حسب روایت کہنا تھا کہ انہوں نے ان کارخانوں کو نوٹس جاری کی ہے-