میر واعظ عمر فاروق کی صدارت والی حریت کانفرنس نے گزشتہ روز بڈگام کے رہنے والے 25 سالہ نوجوان کی ہلاکت پر غم اور دکھ کا اظہار کیا ہے۔
حریت کانفرنس کی جانب سے جاری کیے گئے بیان میں گزشتہ روز بڈگام میں پیش آئے واقعے کی مذمت کرتے ہوئے جماعت کے ترجمان کا کہنا تھا کہ " ایک نوجوان کو گولی مار دی گئی اور اس دوران ان کے چاچا بھی زخمی ہوئے ہے۔ پورے واقعے کی تفصیلات سن کر حیوانیت بھی کانپ اٹھتی ہے۔"
ان کا مزید کہنا تھا کہ " یہ پہلا موقع نہیں تھا گزشتہ تیس دہائیوں سے وادی میں ایسا ہی ہوتا ہے اور کبھی بھی کسی سے جوابدہی نہیں ہوئی اور نہ ہی کسی قصوروار کو سزا سنائی گئی۔"ان کا کہنا تھا کہ "جہاں پوری دنیا عالمی وبا سے جوجھ رہی ہے وہیں وادی کشمیر کی عوام کو خوف اور گھر کے ماحول میں گزشتہ کئی برسوں سے دن گزارنے پڑھ رہے ہیں۔
مقامی رہنما اور باشندگان جیلوں میں ہے، صحافیوں پر دباؤ ہے اور انٹرنیٹ پر پابندی عائد ہے۔ ہم چاہتے ہیں کہ انتظامیہ اس ہلاکت کی غیر جانبدار تحقیقات کرے اور قصوروار کو سخت سے سخت سزا دے۔"
واضح رہے کہ وسطی کشمیر کے ضلع بٹگرام کے ناربل علاقہ میں گزشتہ روز سی آر پی ایف اہلکاروں کی فائرنگ سے ایک 25 سالہ نوجوان معراج الدین شاہ ہلاک ہوگئے۔
