نوگام سوناواری میں واقع یہ اسپتال بناوٹ کے لحاظ سے کافی خوبصورت ہے تاہم عملہ کی کمی اور بنیادی ٹیسٹ مشینری سے اب تک محروم رکھا گیا جس کی وجہ سے مذکورہ اسپتال میں مریضوں کو مشکلات کا سامنا کرنا پڑرہا ہے-
مقامی لوگوں نے ای ٹی وی سے بات کرتے ہوئے کہا کہ علاج و معالجے کے لئے مریضوں کی بھیڑ تو آتی ہے لیکن ٹیسٹ وغیرہ کرانے کے لئے انہیں دور دوسرے قصبے کا رخ کرنا پڑتا ہے-
انہوں نے سوال اٹھایا ہے کہ اگر علاج یہاں پر کیا جاتا ہے تو کئی بنیادی ٹیسٹ کرانے کے لئے دوسری جگہ جانا پڑے تو اسپتال کے ہونے کا کیا فائدہ ہے؟
متعلقہ علاقے کے نوجوان سرپنچ شبیر حیدر کا کہنا تھا کہ اسپتال میں یہ مشکل پچھلے کئی سالوں سے ہے جس کے لئے انہوں نے کئی دفعہ انتظامیہ کے دروازے کھٹ کھٹائے تاہم انہیں ہر بار نظر انداز کیا گیا-
مقامی لوگوں نے ضلع انتظامیہ سے مطالبہ کیا ہے کہ مذکورہ اسپتال میں بنیادی ٹیسٹ مشینری ڈھانچے کو مستحکم بنایا جائے تاکہ مریضوں کو مزید مشکلات کا سامنا نہ کرنا پڑے -
ای ٹی وی بھارت نے اس ضمن میں جب ضلع کے چیف میڈیکل آفیسر ڈاکٹر تجمل حسین سے فون پر رابطہ کیا تو وہ بات کرنے کے لئے موجود نہ تھے-
