ضلع صدر مقام اننت ناگ میں ٹریفک کی بدنظمی اور نشے کی لت سے پاک بنانے کے لیے ایک اعلیٰ سطحی میٹنگ کا اہتمام کیا گیا۔
اس موقع پر میٹنگ کے شرکا نے مختلف امور پر اظہار خیال کیا۔
اننت ناگ میں ٹریفک کی بد نظمی اور نشہ خوری جیسے مسائل کو زیر بحث لایا گیا اور انتظامیہ سے عوام کو درپیش مختلف مسائل کا حل ممکن بنانے کی اپیل کی۔
اس موقع پر ایس ایس اننت ناگ امتیاز حسین نے میڈیا سے بات کرتے ہوئے کہا کہ اننت ناگ میں ٹریفک جام کو دور کرنے کے لیے جلد ہی اقدامات اٹھائے جائیں گے اور اننت ناگ کے نوجوانوں کو نشے سے دور رکھنے کے لیے ہر ممکن اقدامات کیے جائیں گے۔
جس شخص کو سماج دشمن کارروائی میں ملوث پایا جائے گا اس کے خلاف قانونی کارروائی کی جائے گی۔
انہوں نے اننت ناگ کے عوام سے تعاون کی اپیل کی ہے۔
میٹنگ میں ایس ایس پی اننت ناگ امتیاز حسین، صدر میونسپل کونسل اننت ناگ ہلال احمد شاہ و دیگر متعلقین موجود رہے۔
جبکہ تاجر انجمنوں سے وابستہ نمائندوں، سول سوسائٹی ممبران اور ٹرانسپورٹ سے وابستہ نمائندوں نے بھی میٹنگ میں شرکت کی۔
