Protest At Gundi Pora گنڈی پورہ علاقے میں مقامی باشندوں کا محکمہ بجلی کے خلاف احتجاج

ضلع پلوامہ کے گنڈی پورہ علاقے کے لوگوں نے محمکہ بجلی کے خلاف زبردست احتجاج کیا۔ ان کا کہنا ہے کہ اس علاقے میں پچھلے 15 دنوں سے بجلی نہیں ہے۔ پورا علاقہ اندھیرے میں ڈوبا ہوا ہے۔ محکمہ بجلی کو اس کی اطلاع دی گئی ہے لیکن اب تک اس معاملے میں کوئی مناسب قدم نہیں اٹھایا گیا۔

پلوامہ: وادی میں موسم سرما کی آمد کے ساتھ ہی کشمیر میں بجلی کا بہران پیدا ہوتا ہے۔ وہیں سرما کے دوران بجلی ٹرانسفارمر کی خرابی عام بات ہے جس کی وجہ سے عوام کو کافی مشکلات کا سامنا کرنا پڑتاہے۔

ضلع پلوامہ کے گنڈی پورہ علاقے کے لوگوں نے آج محمکہ بجلی کے خلاف احتجاج کیا۔ مقامی لوگوں کے مطابق وہ پچھلے 30 سالوں سے موسم سرما کے دوران ان مشکلات کا سامنا کرتے رہے ہیں۔ انہوں نے کہا کہ آج تک کئی بار اس مسلئہ کو محمکہ کی نوٹس میں لایا گیا لیکن مسئلہ حل نہیں کیا گیا۔

اس ضمن میں مقامی لوگوں نے بات کرتے ہوئے کہا کہ وہ بجلی کا بل باقاعدہ کی ادا کرتے ہیں لیکن بجلی ٹرانسفارمر کی خرابی کی وجہ سے انہیں کافی مشکلات کا سامنا رہتا ہے۔

انہوں نے کہا کہ آج تک محمکہ کو کئی بار کہا گیا کہ 100 کے وی بجلی ٹرانسفارمر کو تبدیل کرکے 250 کے وی ٹرانسفارمر لگائے جائیں تاکہ ایک بار مسلہ حل ہو لیکن آج تک نہیں کیا گیا۔

انہوں نے ضلع ترقیاتی کمشنر پلوامہ اور محمکہ بجلی کے اعلیٰ افسران سے اپیل کی کہ ان کی مانگ کو پورہ کیا جائے تاکہ سرما کے دوران زیادہ مشکلات کا سامنا نہ کرنے پڑے۔ اس حوالے سے محمکہ بجلی کے افسران نے کہا کہ آنے والے وقت میں 250 کے وی ٹرانسفارمر نصب کیا جائے گا جس کے لئے ضروری لوازمات پورے کئے جارہے ہیں۔