بانڈی پورہ کے چار دیہات "ریڈ زون" قرار

شمالی کشمیر کے ضلع بانڈی پورہ میں کورونا وائرس سے متاثرہ پائے گئے افراد کی تعداد زیادہ ہونے کے پیش نظر ضلع کے چار دیہات کو کووڈ 19 کے حوالے سے انتہائی حساس قرار دیا گیا ہے۔

ضلع انتظامیہ نے ایک ہدایت نامہ جاری کرکے ضلع کے چار گاؤں کو ریڈ زون قرار دے کر ان دیہات کو کورونا وائرس کے حوالے سے کافی حساس قرار دیا ہے-

کورونا وائرس کے پیش نظر بانڈی پورہ کے چار دیہات "ریڈ زون" قرار

کورونا وائرس پر قابو پانے اور اس کے پھیلاؤ کو مزید روکنے کی غرض سے ضلع انتظامیہ کے ڈیزاسٹر مینجمنٹ اتھارٹی کی جانب سے ایک ہدایت نامہ جاری کردیا گیا جس میں ضلع کے چار مقامات جن میں چندرگیر، بٹہ گنڈ حاجن، پیر محلہ حاجن اور سدکوٹ بالا شامل ہے کو ریڈ زون قرار دیا گیا اور لوگوں کو ان حساس مقامات پر مزید سختی سے احتیاط برتنے کی گزارش کی گئی ہے۔