جموں کشمیر کے ضلع پونچھ کے بلاک ساتھرہ اور بلاک منڈی میں کئی محکمے اپنا کام ایمانداری سے نہیں کر رہے ہیں جس کی تازہ مثال محکمہ مچھلی پالن ہیں-
ضلع میں محکمہ مچھلی پالن اب تک زمینی سطح پر برائے نام ہی نظر آرہا ہے یا پھر منظور نظر لوگوں کے لئے ہی کارگر ثابت ہو رہا ہے-
ساتھرہ میں محکمہ مچھلی پالن کے لئے انتظامیہ نے عمارت تو تعمیر کی لیکن مقامی لوگوں کا الزام ہے کہ عمارت برائے نام ہے اور یہاں کوئی ملازم موجود نہیں ہوتا۔
مقامی لوگوں نے الزام عائد کیا کہ مذکورہ دفتر سے کسی فرد کو لائیسنس تک اجراء نہیں کیا گیا ہے اور جس مقصد کے لئے اس محکمہ کا قیام عمل میں لایا گیا تھا وہ مقصد پورا ہوتا نظر نہیں آرہا ہے-
نائب سرپنچ شاہ حسین نے ای ٹی وی بھارت سے بات کرتے ہوئے کہا کہ گزشتہ کئی سالوں سے یہ عمارت تالا بند ہے جس کی وجہ سے لوگوں کو سخت مشکلات کا سامنا کرنا پڑ رہا ہیں۔انہوں نے کہا اج عمارت اس قدر خستہ ہوچکی ہے کہ کبھی بھی گر سکتی ہے۔
انہوں نے ڈپٹی کمشنر پونچھ سے اپیل کی ہے کہ وہ محکمہ مچھلی پالن کی توجہ اس طرف مبزول کرے تاکہ لوگوں کو فائدہ پہنچے۔
