جنوبی کشمیر کے شوپیان ضلع کے نادی گام علاقے میں قائم ایک سرکاری میڈل اسکول میں آگ لگنے سے اسکول کی عمارت کو کافی نقصان پہنچا ہے۔
مقامی لوگوں کے مطابق جمعرات کی شام نادی گام شوپیان میں ایک سرکاری اسکول میں اچانک آگ لگ گئی۔
محکمہ فائر اینڈ ایمرجنسی سروسز کے اہلکاروں اور مقامی لوگوں کی مدد سے آگ پر جلد قابو پا لیا گیا۔
تاحال آگ لگنے کی وجہ نہیں معلوم ہو سکی ہے۔ مقامی لوگوں کے مطابق اسکول میں بجلی کا کوئی انتظام نہیں ہے، اس لیے شاٹ سرکٹ سے آگ لگنے کا سوال ہی نہیں اٹھتا ہے۔
مزید تفصیلات کا انتظار ہے۔
