بڈگام: مرکز کے زیر انتظام یوٹی جموں و کشمیر کے ضلع بڈگام میں وقع ڈسٹرکٹ فنڈ آفس کی جانب سے کانفرنس ہال ڈی سی آفیس میں مالی خواندگی بیداری کیمپ کا انعقاد کیا۔ یہ کانفرنس ڈی جی فنڈز جموں و کشمیر اور جے ڈی فنڈز کشمیر کی ہدایت پر منعقد کیا گیا۔ اس خصوصی کیمپ کی صدارت محمد اشرف چیف اکاؤنٹس آفیسر ڈسٹرکٹ فنڈ آفس بڈگام نے کی۔ تقریب میں مختلف محکموں کے شرکاء بشمول ڈی ڈی اوز، ڈی ڈی اوز کے نمائندوں اور عام لوگوں کو مالیاتی خواندگی فراہم کی گئی۔
کیمپ کے دوران محکمہ خزانہ کے ماہرین نے شرکاء کو جموں و کشمیر کے فنانس ڈیپارٹمنٹ کے ذریعے چلائی جانے والی مختلف آن لائن ایپلی کیشنز کے کام کرنے کے بارے میں آگاہی فراہم کی گئی جس میں جن بھگیداری پورٹل، ٹریژری نیٹ، بی ای ایم ایس، JKPaySys، میرا وطن، جن پرافٹ، جی پی فنڈ، ایس ایل آئی، ای ٹینڈرنگ، جیم پورٹل وغیرہ شامل تھے۔
یہ بھی پڑھیں:Anantnag Rebles Lifts Throphy اننت ناگ ریبلس کا کشمیر ویمنز ٹی 20 لیگ پر قبضہ
شرکاء کو تفصیلی تربیت دی گئی کہ ان پلیٹ فارمز تک کیسے رسائی حاصل کی جائے اور ان ایپلی کیشنز کے ذریعے زیادہ سے زیادہ فائدہ کیسے اٹھایا جائے۔ اس موقعے پر چیف اکاؤنٹس آفیسر نے بھی خطاب کیا اور آگاہی کیمپ میں حصہ لینے پر شرکا کو خوش آمدید کہا۔
