اوڑی میں فیملی ڈاکٹر کورونا سے متاثر

جموں و کشمیر میں گزشتہ چوبیس گھنٹوں کے دوران کورونا وائرس کے 441 نئے مثبت معاملات سامنے آئے ہیں جن میں سے 398 کا تعلق کشمیر وادی سے اور 43 کا تعلق خطے جموں سے ہیں۔

شمالی کشمیر کے ضلع بارہمولہ کے اوڑی میں ایک فیملی ڈاکٹر کو کورونا سے مثبت پایا گیا جس سے علاقے میں خوف و ہراس کا ماحول پیدا ہوگیا۔

اطلاعات کے مطابق سب ڈسٹرکٹ ہسپتال (ایس ڈی ایچ) اوڑی میں تعینات اٹھائیس سال کی عمر کی ایک خاتون ڈاکٹر کو کورونا سے متاثر پایا گیا ہے۔

اوڑی میں ایک فیملی ڈاکٹر کورونا سے متاثر

سرکاری ذرائع نے بتایا کہ کووڈ ۔19کا شکار ہونے والی خاتون ڈاکٹر سوپور کی رہنے والی ہیں۔ وہ روک تھام اور کنٹرول کے قومی پروگرام میں پوسٹ ہے۔

انہوں نے مزید کہا کہ مذکورہ مریض کا کووڈ نمونہ جمعہ کے روز جی ایم سی بارہمولہ سے جانچ کے لئے لیا گیا تھا۔خاتون ڈاکٹر کا کورونا کا ٹیسٹ مثبت آنے کے بعد انہیں سوپور کووڈ اسپتال منتقل کردیا گیا۔

واضح رہے کہ اس سے قبل صحت کے ایک عہدیدار ، ایک دکاندار اور اوڑی سب کورٹ کے چھ ملازمین کو بھی کورونا سے متاثر پایا گیا۔