محکمہ موسمیات کے ناظم سونم لوٹس نے ای ٹی وی بھارت کو بتایا کہ ’جمعرات سے وادی میں موسم ابر آلود رہا جس کے نتیجے میں میدانی علاقوں میں بارش اور پہاڑی علاقوں میں برف باری ہوئی‘۔
وادی کے موسم میں بہتری کی توقع
انہوں نے مزید کہا کہ ’سنیچر سے موسم میں تبدیلی متوقع ہے اور آنے والے ہفتے میں موسم بہتر رہنے کا امکان ہے۔ تاہم 27 نومبر کو موسم مزید خراب ہونے کے امکانات ہیں‘۔
خراب موسم کے پیش نظر سرینگر - جموں شاہراہ پر ٹریفک کی نقل و حمل میں خلل پڑا ہے، جبکہ سرینگر- لیہہ، کپوارہ -کرناہ، گریز - بانڈی پورہ شاہراہیں اور شوپیان میں مغل روڈ ٹریفک کے لئے بند کر دی گئی ہیں۔
محکمہ ٹریفک کے مطابق سرینگر - جموں شاہراہ پر ٹریفک رواں دواں ہے تاہم دیگر شاہراہوں پر ٹریفک کو معطل کر دیا گیا ہے۔
شاہراہیں بند ہونے کے نتیجے میں مسافروں کو کئی پریشانیوں کا سامنا ہے۔
