اتوار کے روز لیفٹننٹ گورنر انتظامیہ نے چار سیاسی رہنماؤں کو سرینگر کے ایم ایل اے ہاسٹل میں نظربندی سے رہا کرنے کے دو روز بعد جنوبی کشمیر کے وچی سے تعلق رکھنے والے پی ڈی پی کے سابق ایم ایل اے اعجاز احمد میر اور تاجر رہنما شکیل احمد قلندر ، جو فیڈریشن چیمبر آف انڈسٹریز کشمیر کے سابق صدر ہیں، کو رہا کر دیا گیا۔
خیال رہے کہ اتوار کے روز رہا ہونے والے سیاستدانوں میں نیشنل کانفرنس کے تین اور پی ڈی پی کے ایک رہنما شامل ہیں۔
غور طلب ہے کہ سرکار نے پانچ اگست کو دفعہ 370 کے خاتمے کے بعد درجنوں سیاسی لیڈران کو حراست میں لیا تھا جن میں جموں و کشمیر کے تین سابق وزرائے اعلی فاروق عبداللہ، ان کے مرزند عمر عبداللہ اور محبوبہ مفتی بھی شامل ہیں۔
اگرچہ سابق وزرائے اعلیٰ سمیت کئی لیڈران ابھی بھی حراست میں ہیں لیکن حکومت نے گزشتہ ماہ سے کئی سیاسی لیڈران اور کارکنوں کو رہا کیا ہے۔
