پولیس نے ضلع اننت ناگ میں میاں بیوی کو گرفتار کیا اور اُن کے قبضے سے ممنوعہ نشیلی اشیاء برآمد کی۔
وہیں دوسری جانب سرینگر پولیس نے بٹہ مالو کے نزدیک ناکہ چیکنگ کے دوران منشیات فروش محمد الطاف راتھر ولد محمد اکبر راتھر کو گرفتار کیا۔ اُس کے قبضے سے 650گرام چرس اور 19ہزار 150روپیے نقد رقم برآمد کی۔
مصدقہ اطلاع ملنے کے بعد اننت ناگ پولیس نے آرونی کراسنگ کے نزدیک ناکہ لگایا جس دوران فاروق احمد بٹ اور اُن کی اہلیہ حسینہ سوپور کے قبضے سے چرس برآمد کیا۔ پولیس ٹیم نے فوری طور پر دونوں کو حراست میں لے کر اُن کے خلاف تحقیقات شروع کر دی ہے۔
ریاست میں پولیس کی جانب سے منشیات اور نشیلی ادویات کے خلاف چلائی جا رہی مہم کامقصد لوگوں کو منشیات سے پاک ماحول فراہم کرنا ہے۔ منشیات فروش سماج کے لیے ناسور بن چکے ہیں لہذا اس بیماری کو جڑ سے اکھاڑ پھینکنے کیلئے ہر ایک کو اپنا تعاون پیش کرنا چاہئے تاکہ نوجوان نسل کو بری عادتوں میں مبتلا ہونے سے دور رکھا جاسکے۔
