جموں و کشمیر میں ڈاکٹر کوروناوائرس سے متاثر

جموں خطے میں ایک ڈاکٹر کو کورونا وائرس کے لیے مثبت پایا گیا اور وہ ان 11 افراد میں شامل ہیں جن کی آج اس وائرس سے متاثر ہونے کی تصدیق ہوئی ہے۔

جموں و کشمیر میں ایک ڈاکٹر کے کوروناوائرس سے متاثر ہونے والا یہ پہلا واقعہ سامنے آیا ہے۔

جموں و کشمیر انتظامیہ کے مطابق مرکزی علاقے میں اب تک 49 افراد کوروناوائرس سے متاثر ہوئے ہیں جن میں کشمیر سے 37 اور جموں سے 12 افراد کے متاثر ہونے رپورٹ ہے۔

سرکاری ذرائع کے مطابق متاثر ڈاکٹر گورنمنٹ میڈیکل کالج جموں کی مائکرو بایولوجی لیبارٹری میں مائکرو بائیوولوجسٹ کی حیثیت سے کام کر رہا ہے۔

ذرائع نے بتایا کہ لیبارٹری میں ڈاکٹر کے ساتھ کام کرنے والے دیگر افراد جو اس کے رابطے میں آئے ہوئے ہیں انھیں قرنطین منتقل کردیا گیا ہے اور ان کے نمونے ٹیسٹ کے لیے بھیج دیے گئے ہیں۔