پلوامہ: محمکہ زراعت کے ڈائریکٹر چودھری محمد اقبال نے اج ضلع پلوامہ اور شوپیان کا دورہ کیا جہاں انہوں نے دورے کے دوران دونوں اضلاع کے محتلف کھاد اور کیڑے مار ادویات کے درجنوں دوکانوں کا معائنہ کیا۔ یہ اقدامات محمکہ کی جانب سے اس لئے اٹھایا گیا تاکہ جعلی ادویات اور کھادوں کے کاربار میں ملوث افراد کے خلاف کارروائی عمل میں لائی جائے جبکہ وادی کشمیر میں اب موسمی باہر کا آغاز بھی ہونے والا ہے۔اس کے دوران کھادوں اور ادویات کا استعمال شروع ہوتا ہے۔
محمکہ کے ڈائریکٹر نے دونوں اضلاع میں درجنوں کاؤنٹرز کو چیک کیا جبکہ ضلع پلوامہ کے مورن چوک کے علاقہ میں قائم ایک دکان میں 200 کنٹل کھادوں پر سیل بھی لگایا۔ انہوں نے کہا کہ محکمہ زراعت کسانوں اور کھاد اور کیڑے مار ادویات کی تجارت میں تاجروں کی خدمت میں ہمہ وقت پیش پیش ہے۔ ہم ان تمام لوگوں کو خوش آمدید کہتے ہیں جو تجارت میں کام کرنا چاہتے ہیں لیکن انہیں اپنی تجارت کو شروع کرنے اور آپریشنل رکھنے کے لئے تمام پروٹوکول اور قانونی طریقے پر عمل کرنا چاہیے۔
یہ بھی پڑھیں:Gang of Burglars Busted in Pulwama : نقب زنوں کے گروہ کا پردہ فاش، مسروقہ مال برآمد
اس ضمن میں محمکہ کے ڈائریکٹر چودھری محمد اقبال نے ای ٹی وی بھارت سے بات کرتے ہوئے کہا کہ محمکہ غیر معیاری ادویات اور کھادوں کو وادی میں فروخت کرنے کی اجازت نہیں دے گا جس کے لئے محکمہ کے افسران و ملازمین 24 گھنٹے کام کر رہے ہیں۔
