ای ٹی وی بھارت کو موصول ہوئی وائرلیس حکمنامے کے مطابق ڈی جی پی دلباغ سنگھ نے اُدھمپور میں واقع شیر کشمیر پولیس اکیڈمی میں مختلف شعبوں میں تربیت حاصل کر رہے اہلکاروں کو واپس اپنی بنیادی اکائیوں میں لوٹنے کے احکامات جاری کیے ہیں۔
پولیس کے ایک سینیئر آفیسر نے اس حکم نامے کی تصدیق کرتے ہوئے ای ٹی وی بھارت کو بتایا کہ "یہ احکامات جموں و کشمیر میں کورونا وائرس سے بڑھتے خدشات کے پیش نظر جاری کیے گئے ہے۔"
اُن کا مزید کہنا تھا کہ "عوام کو گھبرانے کی ضرورت نہیں ہے۔"
واضح رہے کہ کورونا وائرس کے چلتے وادی میں آج تمام سماجی اجلاس، ریسٹورنٹس اور باغات کو رواں مہینے کی 31 تاریخ تک بند رکھنے کے احکامات جاری کیے گئے ہیں۔
