جموں و کشمیر کے ضلع اننت ناگ میں آنگن واڑی ورکرس و ہیلپرس کی تنخواہیں گزشتہ چار ماہ سے بند ہے اس کے پیش نظر گزشتہ روز ایسوسی ایشن کی ضلع صدر فہمیدہ اختر نے حکومت سے آنگن واڑی ورکرس کی تنخواہوں کو واگزار کرنے کا مطالبہ کیا۔
ایسوسی ایشن کی ضلع صدر فہمیدہ اختر کا کہنا ہے کہ آنگن واڑی ورکرس اور ہیلپرس کی گزشتہ چار ماہ سے تنخواہ نہیں ملنے کی وجہ سے مالی مشکلات میں ہیں۔
وہیں کورونا وائرس کی وجہ سے دیگر کام کاج ملنا بھی مشکل ہوگیا ہے، تاکہ وہ مزدوری کرکے اپنے اہل و عیال کی کفالت کر سکیں۔
فہمیدہ اختر نے بتایا کہ ورکرس اور ہلپرس بخوبی اپنے فرائض کو انجام دے رہے ہیں۔ اس کے باوجود بھی انہیں نظر انداز کیا جا رہا ہے جو ناانصافی ہے۔
انہوں نے ایل جی انتظامیہ سے اس معاملہ کی جانب غور کرنے کی اپیل کرتے ہوئے جلد از جلد بند پڑی تنخواہیں واگزار کرنے کا مطالبہ کیا ہے۔
