جموں و کشمیر کے ضلع کپواڑہ کے ڈپٹی کمشنر امام الدین نے آج کپواڑہ کے سب ڈسٹرکٹ ہسپتال کا اچانک دورہ کر کے چند غیر قانونی دوا خانہ کے خلاف کاروائی کی ہے۔
انہوں نے کہا کہ بغیر لائسینس دوا خانے چلانے والوں کے خلاف سخت قانونی کاروائی کی جائے گی۔ اس دوران انہوں نے ہسپتال میں پولیو ڈراپز پلانے کی مہم کا بھی آغاز کیا۔
واضح رہے کہ ڈپٹی پولیس کمشنر کپواڑہ کو چند غیر قانونی دواخانوں کے چلنے کی اطلاع موصول ہوئی تھی۔
جس کے بعد انہوں نے موقع پر پہنچ کر کاغذات اور دوا کی دکان چلانے سے متعلق سرکاری اجازت نامہ طلب کیا تو وہ لوگ انہیں کاغذات نہ دے سکے۔ ساتھ ہی کہا کہ وہ لوگ ابھی دوا خانہ میں ادویات بیچنے کے طریقہ سیکھ رہے ہیں۔
یہ بھی پڑھیں: کشمیر کی کم عمر گولڈ میڈلسٹ تجمل اسلام سے خاص بات چیت
اس پر ڈپٹی کمشنر نے سخت برہمی کا اظہار کرتے ہوئے کہا کہ سیکھنے کے نام پر لوگوں کو مارنے کا عمل کسی بھی حال میں برداشت نہیں کیا جائےگا۔
