شمالی کشمیر کے ضلع بارہمولہ میں مشتبہ عسکریت پسندوں کی جانب سے گرینیڈ حملے کے بعد پولیس نے اس حملے میں مبینہ طور پر ملوث دو افراد کو گرفتار کیا ہے۔
واضح رہے کہ پیر کو شمالی کشمیر کے ضلع بارہمولہ میں دستی بم دھماکے میں کم از کم سات شہری زخمی ہوگئے۔
ذرائع نے بتایا کہ اس حملے کے فورا بعد ہی ان افراد کی شناخت کی گئی تھی اور انہیں پولیس نے بارہمولہ قصبے میں رات گئے چھاپے کے دوران گرفتار کیا تھا۔
یہ بھی پڑھیں
بارہمولہ حملے کی سی سی ٹی وی فوٹیج
پولیس نے ایک بیان میں کہا تھا کہ عسکریت پسندوں نے ضلع کے آزاد گنج کے علاقے میں فوج کے قافلے پر دستی بم پھینکا تھا۔
فوج نے بتایا تھا کہ حملے کے فوراً بعد علاقے کو محاصرے میں لیا تھا اور تلاشی کاروائی شروع کردی گئی تھی۔ ادھر ذرائع نے بتایا کہ زخمیوں میں دو کی حالت نازک ہے ۔
بھارتی فوج نے سی سی ٹی وی فوٹیج جاری کرتے ہوئے کہا تھا کہ 'عسکریت پسندوں نے فوجی قافلے پر گریئنڈ داغا، تاہم گرینڈ کانوائی کی آخری گاڑی گزرنے کے بعد پھٹ گیا، جس کے نتیجے میں 6 عام شہری زخمی ہو گئے۔
