'ناقص پائپ کی وجہ سے سڑکیں جھیل کا منظر پیش کرتی ہیں'

ای ٹی وی بھارت سے بات کرتے ہوئے کئی مقامی افراد کا کہنا تھا کہ انہوں نے اس سلسلے میں کئی مرتبہ محکمہ پی ایچ ای کے لائن مین سے رابطہ کیا لیکن وہ ٹس سے مس نہیں ہوئے۔

جموں و کشمیر کے شمالی ضلع بانڈی پورہ کے سمبل سوناواری میں پانی سپلائی کرنے والی مین پائپ لائن پھٹنے سے آئے روز ایک تو سمبل بازار میں پانی کی وجہ سے سیلابی صورتحال پیدا ہوگئی ہے اس کے علاوہ پینے کا صاف پانی بھی ضائع ہوتا ہے۔

مقامی لوگوں کا کہنا ہے کہ 'سمبل مین مارکیٹ کے مقام پر یہ پائپ لائن پھٹ گئی ہے اور کئی روز سے اس سے کافی زیادہ مقدار میں پانی ضائع ہوتا ہے جو یہاں موجود دکانوں اور مکانوں میں چلا جاتا ہے۔ جس سے مقامی بستی کو کافی مشکلات کا سامنا کرنا پڑرہا ہے-

ای ٹی وی بھارت سے بات کرتے ہوئے کئی مقامی افراد کا کہنا تھا کہ انہوں نے اس سلسلے میں کئی مرتبہ محکمہ پی ایچ ای کے لائن مین سے رابطہ کیا لیکن وہ ٹس سے مس نہیں ہوئے۔

ان کا مزید کہنا ہے کہ 'پانی صبح شام ضائع ہوجاتا ہے اور بعد میں گھروں کے صحن میں جمع ہوجاتا ہے جس کی وجہ سے گھر والوں کو بھی عبور و مرور میں مشکلات کا سامنا کرنا پڑتا ہے۔

ای ٹی وی بھارت نے جب اس شکایت کے حوالے سے متعلقہ پی ایچ ای محکمہ کے اسسٹنٹ ایگزیکٹو انجینئر عبدل حمید سے رابطہ کیا تو انہوں نے اس کا سنجیدہ نوٹس لیتے ہوئے 24 گنٹوں میں پائپ کی مرمت کرانے کی یقین دہانی کرائی۔ تاہم انہوں نے کیمرے کے سامنے آنے سے معذرت کا اظہار کی۔