سی آر پی ایف اہلکاروں پر گرینیڈ حملہ

عسکریت پسندوں نے ابھی کچھ دیر پہلے جنوبی کشمیر کے ترال علاقے میں سی آر پی ایف اہلکاروں پر ایک گرینیڈ حملہ کیا تاہم حملے میں کوئی ہلاک نہیں ہوا ہے۔

تفصیلات کے مطابق بس اسٹینڈ ترال پر تعینات سی آر پی ایف اہلکاروں پر عسکریت پسندوں نے ایک گرینیڈ پھینک دیا جسکی وجہ سے سی آر پی ایف کا ایک اہلکار زخمی ہوگیا۔ زخمی اہلکار کی حالت خطرے سے باہر بتائی جا رہی ہے۔

حملے کی وجہ سے پورے بس اسٹینڈ میں افرا تفری پھیل گئی اور دکانداروں نے اپنی دکانیں بند کر دیں۔ فورسز نے حملہ آوروں کی تلاش شروع کر دی ہے اور اس ضمن میں مزید تفصیلات کا انتظار ہے ۔
پلوامہ انکاؤنٹر میں دو عسکریت پسند ہلاک

ایس ایس پی اونتی پورہ طاہر سلیم نے ای ٹی وی بھارت سے بات کرتے ہوئے حملے کی تصدیق کی اور کہا کہ حملہ آوروں کی تلاش شروع کردی گئی ہے۔