سی آر پی ایف مدد کے لیے پیش پیش

مسلسل لاک ڈاؤن اور کورونا وائرس کے بڑھتے ہوئے خطرات کو مد نظر رکھتے ہوئے جہاں انتظامیہ عام لوگوں کی سہولیات کے لیے اقدامات کر رہی ہے وہیں سی آر پی ایف بھی عام لوگوں کی مدد کے لیے آگے آ رہے ہیں۔

جنوبی کشمیر کے ترال علاقے کے دور دراز گاوں دودھ مرگ ترال میں سی آر پی ایف کی 180 بٹالین کی طرف سے سینکڑوں افراد میں مفت راشن کٹس تقسیم کیے گئے اور مقامی آبادی کو کورونا وائرس کے متعلق جانکاری فراہم کی گئی۔

مقامی لوگوں نے سی آر پی ایف کی اس کوشش کی زبردست ستائش کرتے ہوئے کہا کہ اس دور میں غریب کنبوں کی مالی حالت متاثر ہوئی ہے اور اس وقت سی آر پی ایف کی یہ مدد کئی کنبوں کے لیے ایک امید کی کرن بن گئی ہے۔

سی آر پی ایف کی 180 بٹالین کے ایک آفیسر نے میڈیا سے بات کرتے ہوئے کہا کہ موجودہ حالات کو دیکھتے ہوئے انھوں نے یہ ایک چھوٹی سی پہل کی ہے اور عوام کو اگر مزید مدد چاہیے تو ان کے لیے سی آر پی ایف ہمیشہ تیار ہے۔