تفصیلات کے مطابق یوتھ سروسز اینڈ اسپورٹس کی جانب سے اننت ناگ کے نانل علاقے میں ایک کرکٹ میچ رکھا گیا تھا۔ اس دوران بائیں ہاتھ کے بلے باز اور نوجوان کھلاڑی کی گردن پر ایک تیز گیند لگ گئی اور وہ نیچے گر گیا۔
گیند لگنے سے بلے باز ہلاک
کھلاڑی کو بے ہوشی کی حالت میں مٹن سب ضلع اسپتال منتقل کیا گیا جہاں ڈاکٹرز نے اسے مردہ قرار دے دیا۔کھلاڑی نے ہیلمیٹ بھی پہنا تھا، اس کے باوجود اس کی گردن پر گیند لگ گئی۔
ہلاک نوجوان کی شناخت ضلع بارہمولہ کے گوشہ بگ پٹن کے ساکن جہانگیر احمد وار کے طور پر ہوئی ہے۔
بتایا جا رہا ہے کہ جہانگیر احمد گیارہویں جماعت کا طالب علم تھا۔
