جموں و کشمیر انتظامیہ کے پرنسپل سکریٹری روہت کنسل نے ٹویٹر پر لکھا کہ' جموں و کشمیر میں تمام تعلیمی سرگرمیاں معطل رہیں گی۔ تمام اسکولز، کالجز اور یونیورسٹیز میں اگلے احاکامات تک تمام تعلیمی سرگرمیاں معطل رہیں گی۔
واضح رہے کہ گزشتہ ماہ انتظامیہ نے جموں و کشمیر کے تمام سرکاری اور نجی اسکولوں، کالجوں اور یونیورسٹیوں کو 31 مارچ تک بند رکھنے کا حکم دیا تھا۔
جموں و کشمیر میں آج کوروناوائرس کے مزید 8 مثبت کیسز سامنے آئے ہیں جس سے اب جموں و کشمیر میں معاملات کی کل تعداد 278ہوئی ہیں۔
مرکز کے زیر انتظام علاقے جموں و کشمیر میں کوروناوائرس کے تیزی سے پھیلنے کے سبب لوگ اضطراب میں مبتلا ہورہے ہیں۔ کشمیر وادی میں خاص طور اس وائرس سے لوگوں کی ایک بڑی تعداد متاثر ہوئی ہے۔
