شمالی کشمیر کے ضلع بانڈی پورہ میں ایڈیشنل ڈپٹی کمشنر بانڈی ظہور احمد میر کے ہاتھوں ہفتے کے روز سی ایچ سی حاجن اور سمبل میں متعدد مراکز پر کووڈ 19 ویکسینیشن مہم کا آغاز کیا گیا۔
اس دوران پہلا کووڈ ویکسین ان ہیلتھ مراکز میں ڈیوٹی پر موجود ڈاکٹروں کو دیا گیا اور ان کے علاوہ دیگر ہیلتھ ورکرز کو بھی ویکسین دیا گیا۔
اس موقع پر چیف میڈیکل آفیسر بانڈی پورہ ڈاکٹر بشیر احمد، ڈپٹی سی ایم او ڈاکٹر پرویزہ کوثر، ڈسٹرکٹ امیونائزیشن آفیسر، ڈاکٹر ریاض احمد، ڈسٹرکٹ سوشل ویلفیئر آفیسر غلام احمد ڈار، بلاک میڈیکل آفیسر سمبل اور حاجن ڈاکٹر اعجاز احمد کے علاوہ دیگر اعلی افسران بھی موجود تھے۔
اے ڈی سی بانڈی پورہ نے اس دوران پچھلے ایک سال کے دوران وبائی صورتحال سے نمٹنے میں ہیلتھ ورکرز کی کاوشوں کو سراہا اور کہا کہ سماج میں عام لوگوں کی حفاظت کو یقینی بنانے کے لئے ہیلتھ ورکرز کا چوبیس گھنٹے اور اپنے فرائض انجام دیتے آئے ہیں۔
ویکسینیشن کے پہلے مرحلے کے تحت 200 کے قریب صحت کارکنوں کو کووڈ ویکسین دیا جائے گا جس میں سمبل اسپتال کے ایک سو جبکہ حاجن اسپتال کے ایک سو سے قریب صحت کارکنوں کو یہ ویکسین دیا جائے گا۔
