خصوصی جج گروندر پال سنگھ نے عسکریت پسند سید نوید مشتاق کو پولیس کی تحویل میں بھیج دیا کیونکہ تفتیش کاروں نے عدالت کو بتایا کہ وہ اور دیگر ملزمان قومی دارالحکومت نئی دہلی اور ملک کے دیگر حصوں میں حملے کرنے کا منصوبہ بنا رہے تھے۔
واضح رہے کہ جموں و کشمیر پولیس کے معطل افسر دیویندر سنگھ کو11 جنوری کے روز عسکریت پسندوں سمیت گرفتار کیا گیا تھا۔
دیویندر سنگھ کو حزب المجاہدین عسکریت پسند تنظیم کے کمانڈر نوید بابو کے ساتھ اس وقت گرفتار کیا گیا تھا جب وہ جموں کی طرف جا رہے تھے۔ ان کے ساتھ عرفان نامی ایک وکیل بھی تھا انہیں بھی گرفتار کیا گیا تھا۔
ابتدائی تحقیقات میں قومی تفتیشی ایجنسی نے دیویندر سنگھ کے بینک اکاؤنٹس سیز کر لیے اور سرینگر میں واقع ان کی رہائش گاہ پر چھاپہ مار کر 7 لاکھ روپے برآمد کیے تھے۔
