جنوبی کشمیر کے تاریخی قصبہ پامپور کے لدھو علاقے سے کورونا وائرس کے دو نئے معاملات سامنے آنے کے بعد لدھو کو ریڈ زون قرار دیا گیا ہے جبکہ سرینگر جموں قومی شاہراہ پر واقع بارسو گاوں کو بھی ریڈ زون قرار دیا گیا ہے۔
اونتی پورہ میں مزید دو علاقے ریڈ زون قرار
انتظامیہ کے اعلی افسران نے متذکرہ علاقوں کا دورہ کر کے صورتحال کا جائزہ لیا۔ اس سلسلے میں ای ٹی وی بھارت کو معلوم ہوا ہے کہ گزشتہ روز پلوامہ ضلع میں جن 13 افراد کے نمونے مثبت پائے گئے ہیں۔ ان میں دو لدھو پامپور سے تعلق رکھتے ہیں جس کے بعد انتظامیہ نے لدھو کو ریڈ زون قرار دیا ہے جبکہ لدھو کے نزدیکی دہیات کو بفر زون قراد دیا گیا ہے۔
ان متاثرہ افراد کے رابطے میں آئے متعدد افراد کو قرنطینہ میں لیا گیا ہے جبکہ میونسپل کمیٹی پامپور کے ملازمین نے علاقے میں جراثیم کش ادویات کا چھڑکاؤ کیا تاکہ صفائی ستھرائی معیار برقرار رکھا جائے۔
