کووڈ 19: شانگس حلقے میں نمونے حاصل کرنے کا سلسلہ جاری

شانگس حلقے کے ریڈ زون علاقوں میں رہنے والے لوگوں کے نمونے لینے کا کام شد و مد سے جاری ہے جس سے لوگوں نے راحت کی سانس لی ہے۔

جنوبی کشمیر کے ضلع اننت ناگ کے شانگس علاقے میں وبائی صورتحال کے درمیان ریڈ زون علاقوں میں کووڈ 19 کی جانچ کے لیے نمونے حاصل کئے جا رہے ہیں۔

شانگس علاقہ ضلع اننت ناگ کا پہلا علاقہ ہے جس کو ریڈ زون قرار دیا گیا ہے۔ علاقے میں ابھی تک 85 مثبت کیسز پائے گئے ہیں۔

وہیں علاقہ شانگس کے اچھہ بل، تیلونی، ایسسو، ونگام، پشرو، کللو، صومبرنہ، برینٹی سمیت 14 گاؤں کے رہنے والے تصدیق شدہ مثبت کیسز کے رشتہ داروں اور ان کے ساتھ رابطے میں آنے والے افراد کے نمونے حاصل کیے جا رہے ہیں۔

مقامی لوگوں نے محکمہ ہیلتھ کی جانب سے اس اقدام کی سراہنا کی۔