مرکز کے زیر انتظام جموں وکشمیر کے دارالحکومت سرینگر میں آج لوگوں نے جان لیوا کورنا وائرس سے بچنے کے لیے احتیاطی طور پر ایک دوسرے سے دوری برتنے کے لیے سفید سرکل لگائے تاکہ سوشل ڈیسٹنس قائم کی جائے اور اس وبا کو مزید پھیلنے سے روکا جاسکے۔
کوروناوائرس: لوگ سماجی علیحدگی پر عمل پیرا
ماہرین صحت کے مطابق کورونا وائرس کے پھیلاؤ پر قابو پانے اور اس کا مقابلہ کرنے کے لیے معاشرتی فاصلے کو برقرار رکھنا بہترین اقدامات ہیں۔
گذشتہ کئی دنوں سے وادی کشمیر کے کئی مقامات پر لوگ خاص کر جموں و کشمیر پولیس بھی اس پہل میں حصہ لے رہے جس کو عوام کے لیے کافی سود مند سمجھا جاتا ہے۔
اس دوران آج سرینگر کےمختلف مقامات پر لوگوں نے آپس میں سوشل ڈیسٹنس قائیم کرنے کی پہل کی ہے اور لوگ بھی اسے اچھے اقدام کے طور پر سمجھ رہے ہیں۔
