کولگام: لاک ڈاون میں مزید سختی

جموں و کشمیر میں آئے روز کورونا وائرس کے مثبت کیسز میں اضافہ ہوتا جا رہا ہے اور اس دوران انتظامیہ کی جانب سے تمام اضلاع میں لاک ڈاؤن میں مزید سختی لائی جا رہی ہے۔

کورونا وائرس کے خطرات اور پھیلاو کو روکنے کے لئے جنوبی کشمیر کے ضلع کولگام کے قصبہ جات میں لاک ڈاون کا اچھا خاصہ اثر دیکھنے کو مل رہا ہے۔ اس دوران لوگ بھی گھروں میں رہنے کو ترجیح دے رہے ہیں۔

انتظامیہ اور پولیس نے کئی طرح کی بندشیں عائد کی ہیں اور یہاں کے داخلی اور خارجی راستوں کو سیل کر دیا ہے۔ لوگوں کو گھروں میں ہی رہنے کی تلقین کی جا رہی ہے۔

چھتہ بل سمیت کئی دیہات میں لاک ڈاون کا اثر ہے۔ پورے ضلع میں گیارہ علاقوں میں ریڈ زون برابر جاری ہیں۔

وہیں ضلع کے دو مختلف علاقوں اشموجی اور کاترسو میں مزید دو قرنطینہ مراکز قائم کیے گئے ہیں۔