طبی محکمہ کے عہدیداروں کا کئی قرنطینہ مراکز کا دورہ

وادی کشمیر میں آئے روز کوروناوائرس کے مثبت کیسز میں اضافہ ہورہا ہے جس سے اب وادی میں مزید قرنطینہ مراکز قائم کرنے کا عمل جاری ہے۔

جنوبی کشمیر کے ضلع کولگام میں کئی دنوں سے کورونا وائرس کے کیسز میں اضافہ دیکھنے کو مل رہا ہے۔ ضلع انتظامیہ کے مطابق کولگام میں اب تک 69 مثبت کیسز سامنے آئے ہیں۔ اسطرح سے ضلع میں مزید قرنطینہ مراکزوں کو عمل میں لایا گیا۔

کولگام کے ڈگری کالیج کو کووڈ کیر سنٹر نامزد کیا گیا ہے۔ ضلع میں مزید مثبت کیسز سامنے آنے کے بعد محکمہ صحت کے کووڈ نامزد آفسر کشمیر ڈاکٹر وسیم قریشی اور ضلع ترقیاتی کمشنر کے علاوہ ڈپٹی ڈائریکٹر ہلتھ سروسز نے کئی قرنطینہ مراکز کا جائزہ لیا۔

ٹیم نے کورونا مریضوں کو بہتر نگہداشت، کھانے پینے کی چیزیں بہم کرنے کے لیے ایک تفصیلی رپوٹ درج کی۔ وہیں ضلع ترقیاتی کمشنر کے مطابق ضلع میں 11 علاقوں کو ریڈ زون میں رکھا گیا ہے۔

انہوں نے کہا کہ ضلع میں 120سرکاری عمارتوں کو کووڈ مراکز نامزد کیے گیے۔