ہائی کورٹ کے رجسٹرار جنرل نے ایک حکم نامے میں کہا ہے کہ' یہ فیصلہ وزیراعظم نریندر مودی کی 21 روزہ لاک ڈاؤن کے اعلان اور جموں و کشمیر انتظامیہ کی جانب سے سرکاری دفاتر کو بند کرنے کے احکامات صادر کرنے کے پیش نظر لیا گیا ہے۔
ہائی کورٹ کے سرکیولر میں لکھا گیا ہے کہ 'جوڈیشل آفیسرز ، رجسٹرز، عملہ اور ضلعی عدالتوں کا عملہ نوعیت کے کسی بھی کاروبار سے نمٹنے کے لئے اپنی رہائش گاہوں پر ہر وقت دستیاب رہے گا۔ اس میں کہا گیا ہے کہ کسی بھی فوری کاروبار کو ورچوئل موڈ پر لیا جائے گا۔
حکم نامے میں کہا گیا ہے کہ 'افسران اور عملہ کو حکومت کی جانب سے جاری کردہ کورونا وائرس کے روک تھام سے متعلق مشوروں اور ہدایات پر سختی سے عمل کرنا ہوگا۔'
حکم نامے میں کہا گیا ہے کہ سماجی دوری، پابندیوں، احتیاطی تدابیر وغیرہ کے بارے میں مرکزی حکومت اور جموں و کشمیر انتظامیہ کی جانب سے تمام احکامات اور ہدایات پر سختی سے عمل کیا جائے گا۔
