بڈگام میں پولیس اہلکار کورونا وائرس سے متاثر

وسطی کشمیر کے ضلع بڈگام کے رٹھسن گاؤں میں آج کوروناوائرس کا پہلا مثبت کیس سامنے آیا ہے اور وہ شخص پیشہ سے پولیس اہلکار ہے۔

اطلاعات کے مطابق مذکورہ شخص تبلیغی جماعت کے ساتھ رابطے میں آنے کے بعد کورونا سےمتاثر پایا گیا ہے۔

چیف میڈیکل افسر بڈگام ڈاکٹر نذیر احمد نے اس بات کا انکشاف کیا کہ' یہ ضلع بڈگام کے بیروہ علاقے سے پہلا کوؤڈ-19 مثبت کیس ہےاور ہم نے فوری طور پر رٹھس گاؤں میں ایک طبی عملہ بیجھا ہے اور ساتھ ہی میونسپل کمیٹی بیروہ کو بھی مذکورہ شخص کے گھر کی فومیگیشن اور سینیٹائزیشن کے لیے روانہ کیا گیا ہے۔

اس موقع پر سی ایم او بڈگام اور ایس ڈی ایم بیروہ نے لوگوں سے اپیل کی کہ' وہ لاک ڈاؤن کا سختی سے عمل کریں اور کہا کہ حکم نامے کی خلاف ورزی کرنے والوں کے خلاف سخت قانونی کاروائی کی جائے گی۔

انہوں نے مزید کہا کہ' لوگ افواہوں پر دھیان نہ دیں اور نہ افواہ پھیلائے بلکہ اپنے گھروں میں ہی رہے اور سماجی دوری کا خاص خیال رکھے۔'