کورونا وائرس: ڈی سی کولگام نے انتطامات کا جائزہ لیا

ڈپٹی کمشنر نے سماج کے ہر طبقہ سے اپیل کی ہے کہ وہ حکومت کا تعاون دے تاکہ کورونا وائرس وبا سے نجات پایا جا سکیں۔

جموں و کشمیر کے جنوبی ضلع کولگام میں کورونا وائرس کے خطرات اور خدشات کے پیش نظر کئی اہم اقدامات اُٹھائے گئے ہیں۔ ڈی سی کولگام شوکت اعجاز کے مطابق 210 افراد کو طبی نگہداشت میں رکھا گیا ہے۔ جبکہ 168 کو ہوم قرنطینہ میں رکھا گیا ہے۔

انہوں نے کہا 48 افراد کا ہوم قرنطینہ ختم ہو گیا ہے جبکہ 18 کو انتظامیہ نے اپنے قرنطینی طبی نگہداشت میں رکھا ہے۔

انہوں نے کہا چار کو قاضی گنڈ ایمرجنسی ہسپتال میں جبکہ مزید 12 کو پہلگام میں طبی نگہداشت میں رکھا گیا ہے۔

انتطامیہ نے ضلع میں مزید 500 افراد کے لئے قرنطینہ کا انتظام کیا ہے جبکہ ضلع میں دفعہ 144 کا نفاذ عمل میں لایا گیا ہے۔

انہوں نے کہا دفعہ 144 کی خلاف ورزی کرنے والے 24 افراد کے خلاف کیس درج کیا گیا ہے۔

ضلع ترقیاتی کمشنر نے عوام سے اپیل کی کہ وہ احتیاطی تدابیر پر عمل کریں اور افواہوں پر دھیان نہ دے۔