وسطی کشمیر کے ضلع بڈگام کے چاڈورہ علاقے کے وڈی پورہ میں آج علی الصبح سکیورٹی فورسز کی جانب سے تلاشی کارروائی جاری ہے۔
اطلاعات کے مطابق سکیورٹی فورسز کو ایک اطلاع ملی تھی کہ وڈی پورہ میں عسکریت پسند چھپے ہوئے ہیں جس کی بنا پر سکیورٹی فورسز نے بر وقت کارروائی عمل میں لائی۔ فوج کی 53 آر آر، ایس او جی چاڈورہ، سی آر پی ایف اور بڈگام پولیس کی مشترکہ ٹیم اس تلاشی مہم کو انجام دے رہی ہیں۔
ذرائع کے مطابق سکیورٹی فورسز نے وڈی پورہ چاڈورہ کا محاصرہ کیا جس کے بعد گھر گھر تلاشی لی جارہی ہے۔ اس دوران گاؤں کے تمام داخلی اور خارجی راستوں کو بند کر دیا گیا ہے اور راہگیروں سے بھی پوچھ گچھ کی جا رہی ہے۔
آخری خبر ملنے تک علاقے میں سکیورٹی فورسز کی جانب سے کارروائی جاری تھی اور علاقے میں فوج کی ایک بڑی نفری کو تعینات کیا گیا ہے۔
مزید تفصیلات کا انتظار ہے۔