لائن آف کنٹرول پر ہندوپاک افواج کے درمیان ایک بار پھر تناو کی صورتحال پیدا ہوگئی ہے جس پر فوجی زرائع نے بتایا کہ پا کستان دراندازوں کو بھارت میں دھکیلنے کیلئے ہی بار بار فائرنگ کی جارہا ہے ۔
فوجی ذرائع سے معلوم ہوا ہے کہ گزشتہ دنوں پونچھ کے کئی سیکٹرو ں میں پاکستانی افواج نے جنگ بندی معاہدے کی خلاف ورزی کے دوران پاکستانی افواج نے توپ کا استعمال کر تے ہوئے زیا دہ تر رہا ئشی علاقو ں کو نشانہ بنایا ہے ۔
اعلیٰ فوجی حکام نے بتایا کہ پاکستان جس طرح بار بار سیز فائر کی خلاف ورزی کر رہا ہے وہ دراصل اس لیے کی جارہی ہے کہ تربیت یافتہ دراندازوں کو بھارتی علاقے میں داخل کیا جائے ۔
فوجی حکام نے بتایا کہ دراندازوں کو اس پار دھکیلنے کیلئے ہی پاکستانی آرمی وقفے وقفے سے سیز فائر کی خلاف ورزی کر رہی ہے تاکہ اس کی آڑ میں ایل او سی کے پار سے دراندازوں اس پار آنے میں کامیاب ہوں ۔
فو جی زرائع نے بتایا کہ پونچھ سیکٹر میں گذشتہ روز پاک فوج کی طرف سے شدید فائرنگ کے مدنظر لائن آف کنٹرول پر تعینات فوج کو الرٹ پر رہنے کی ہدایت دی گئی ہے اور فوج سے کہا گیا ہے کہ وہ پاکستانی فائرنگ کا بھر پور جواب دیں اور دراندازوں کی اس پار آنے کی کسی کوشش کو پوری طاقت سے ناکام بنائیں۔
