اطلاعات کے مطابق تصادم میں فوج کے تین جوان زخمی ہوئے ہیں۔ ان کی شناخت پون کمار، رنجیت سنگھ، منڈل بورے کے طور پر کی گئی ہے۔
ذرائع کے مطابق ترال کے ہاری پاریگام میں شدت پسند تنظیم جیش محمد کے دو سے تین پاکستانی عسکریت پسندوں کی موجودگی کی اطلاع ملنے کے بعد اونتی پورہ پولیس اور فوج کے 3 آر آر نے علاقے کو محاصرے میں لے کر تلاشی کارروائی شروع کردی۔
تلاشی کارروائی کے دوران عسکریت پسندوں نے سکیورٹی فورسز پر فائرنگ کی جس کے بعد گولیوں کا تبادلہ شروع ہوگیا۔ تصادم میں اب تک تین فوجی اہلکاروں کے زخمی ہونے کی خبر ہے۔
بتایا جارہا ہے کہ علاقے میں چھپے تین عسکریت پسندوں میں سے ایک قاضی یاسر ہے جو پاکستان کا رہنے والا ہے، کو ہلاک کر دیا گیا ہے۔
اس کے ساتھ ہی ایک ابوموسیٰ ہے، یہ بھی پاکستان کا رہنے والا ہے جسے بھی ہلاک کردیا گیا ہے،جبکہ ایک مقامی ہے۔ ترال کے رہنے والے برہان شیخ کو بھی تصادم میں ہلاک کیا گیا ہے۔
تینوں عسکریت پسندوں کا تعلق جیش محمد سے ہے۔
خبر لکھے جانے تک علاقے میں سرچ آپریشن جاری ہے۔
مزید تفصیلات کا انتظار ہے۔
