بڈگام ترقیاتی کمشنر شہباز احمد مرزا کی صدارت میں منعقد ہونے والے اجلاس میں نو منتخب ڈی ڈی سی ممبران اور بی ڈی سیز کو پی ایم جی ایس وائی سڑکوں کی منصوبہ بندی کے بارے میں مطلع کیا گیا۔
اجلاس میں ڈی سی بڈگام کے علاوہ نو منتخب ڈی ڈی سی چیئرمین نذیر احمد خان، ڈی ڈی سی ممبران، بی ڈی سیز، سی پی او، ایکزیکیوٹیو انجینیئر پی ایم جی ایس وائے اور دیگر متعلقہ عہدیداروں نے شرکت کی۔
واضح رہے کہ ڈی ڈی سی چیرمین اور نائب چیرمین کی حلف برداری تقریب کے ایک روز بعد یہ اجلاس منعقد کیا گیا جس میں پی ایم جی ایس وائی ایکزیکٹیو انجینئر نے بتایا کہ آئندہ مالی سال کےلیے 17 بلاک کی سڑکوں کو منتخب کیا گیا ہے۔
اجلاس میں ڈی سی بڈگام نے کہا کہ انتظامیہ ڈی ڈی سی ممبران کی مدد سے ضلع کی تعمیر و ترقی کرنا چاہتا ہے۔ انہوں نے کہا کہ ایسا تب ہی ممکن ہے جب ہم ٹیم کی طرح کام کریں گے۔ وہیں ڈی ڈی سی چیرمین نے پی ایم جی ایس وائی سڑکوں کی منصوبہ بندی کے سلسلے میں منتخب نمائندوں سے فوری طور پر کی گئی ملاقات پر انتظامیہ کی ستائش کی اور دیہی علاقوں کی سڑکوں پر میگڈم بچھانے پر زور دیا۔
