منڈی:مرکز کے زیر انتظام یوٹی جموں و کشمیر کے ضلع پونچھ کی تحصیل منڈی کے پولی ٹیکنیک کالج بلاک ساتھرہ میں ترقیاتی کمشنر یاسین محمد چودھری کی قیادت میں بلاک دیوس(عوامی دربار) کا اہتمام کیا گیا۔ عوامی دربار میں ضلع ترقیاتی کونسل چیرمین پونچھ تعظیم اختر, بی ڈی سی ساتھرہ فریدہ بی کے ہمرہ ضلع و تحصیل افسران موجود رہے۔ ان کے علاوہ ساتھرہ, کہنو, کلانی, دھڑہ, فتح, سلونیاں, گلی, پنڈی, سیکلو و دیگر ملحقہ علاقہ جات سے سرپنچوں, پنچوں و مقامی لوگوں نے بڑی تعداد میں عوامی دربار میں شمولیت کی۔
اس موقع پر عوامی نمائندگان, مقامی لوگوں و یوتھ کی جانب سے پردھان منتری آواس یوجنا, ایم جی نریگا, رابطہ سڑکیں, بجلی پانی, یوتھ کے لیے کھیل کا میدان, لائبریری, شدید بارشوں کے سبب ہوئے نقصانات و دیگر مسائل کو اجاگر کیا گیا۔ اس پر ضلع ترقیاتی کمشنر پونچھ کی جانب سے چند مسائل کو لیکر موقع پر ہی افسران کو ہدایات جاری کی گئی۔ جبکہ چند عوامی مسائل کو جلد حل کرنے کی عوام کو یقین دہانی کرائی گئی ہے۔
یہ بھی پڑھیں:Cambridge School Leadership پلوامہ میں کیمبرج اسکول لیڈرشپ پروگرام
واضع رہے بلاک ساتھرہ میں عوامی دربار منعقد کرنے کا اہم مقصد ان غریب غرباء لوگوں کے مسائل سننا تھا جو لوگ بلاک ساتھرہ کے دوردراز علاقوں سے تعلق رکھتے ہیں جوکہ ضلع و تحصیل افسران تک رسائی نہیں کر سکتے تاکہ ان لوگوں کے مسائل تمام افسران کی مودجوگی میں اجاگر ہوں اور ان پر سنجیدگی سے اقدامات اٹھاتے ہوئے ان مسائل کا ازالہ کیا جاسکے۔
