اننت ناگ: مرکز کے زیر انتظام یوٹی جموں و کشمیر کے ضلع اننت ناگ کے کوکرناگ کے گڈول علاقے میں عسکریت پسندوں اور سیکورٹی فورسز کے درمیان گولیوں کے تابدلے کا سلسلہ جاری ہے۔آج صبح دھماکوں کی آواز سنی گئی ہے۔ پولیس، فوج اور سی آر پی ایف کی مشترکہ ٹیم نے علاقے میں عسکریت پسندوں کی موجودگی کی اطلاع موصول ہونے پر بڑے پیمانے پر محاصرہ اور تلاشی آپریشن شروع کیا تھا جو ابھی بھی جاری ہے۔ غور طلب ہے کہ سیکیورٹی فورسز کی ٹیمیں مشتبہ مقام کی طرف پہنچیں تو چھپے ہوئے عسکریت پسندوں نے ان پر فائرنگ شروع کر دی ۔اس پر فوج نے جوابی کارروائی کی اور اس طرح سے مذکورہ علاقے میں انکاؤنٹر کا سلسلہ شروع ہو گیا۔
یہ بھی پڑھیں: Encounter In Kokernag گڈول کوکرناگ میں انکاؤنٹر دوبارہ شروع
واضع رہے کہ منگل کو آپریشن کے ابتدائی مرحلے میں ملیٹینٹوں کی جانب سے کی گئی اندھادند فائرنگ سے 19 آر آر کے کمانڈنگ آفیسر منپریت سنگھ اور میجر آشش کے علاؤہ جموں کشمیر پولیس کے ڈی ایس پی ہمایوں بٹ جان حق ہو گئے تھے ۔ جنہیں فوج کی جانب سے خراج عقیدت پیش کیا گیا، وہی اس حوالے سے کئی سیاسی رہنماؤں نے اس کی پرورش الفاظ میں مذمت کی، جبکہ اس حوالے سے جموں کشمیر کے مختلف اضلاع میں کینڈل مارچ کا بھی اہتمام کیا گیا۔
